Një dron izraelit thuhet se ka goditur një zyrë të Hamasit në periferinë jugore të kryeqytetit të Libanit, Bejrut të martën, duke vrarë katër persona.
Zyrtari i lartë i Hamasit, Saleh Al-Arouri u vra në incident, njoftoi stacioni televiziv Al-Manar i Hezbollahut, shkruajnë mediat e huaja, përcjell T
Al-Manar tha gjithashtu se një shpërthim u dëgjua pranë autostradës Hadi Nasrallah afër një kryqëzimi rrugor.
Ai nuk dha detaje për shpërthimin, i cili vjen një ditë përpara një fjalimi të liderit të Hezbollahut, Sayyed Hassan Nasrallah.
Dhe një dëshmitar i Reuters ka thënë se shpërthimi mund të jetë shkaktuar nga një dron që goditi katin e dytë të një ndërtese në lagjen e mbushur me njerëz.
Hezbollahu, një aleat i Hamasit, ka shkëmbyer zjarr pothuajse çdo ditë me Izraelin përtej kufirit jugor të Libanit që nga shpërthimi i luftës Izrael-Hamas në Gaza në fillim të tetorit.
Sulmet ajrore dhe granatimet izraelite kanë vrarë më shumë se 100 luftëtarë të Hezbollahut dhe disa civilë, duke përfshirë fëmijë, të moshuar dhe disa gazetarë, sipas Hezbollahut dhe burimeve të sigurisë.
