Analisti Imer Mushkolaj ka thënë se letrat që Gjermania, Franca e Italia ia dërguan kryeministrit Kurti dhe presidentit Vuçiq, ofrojnë modele të Asociacionit.
Mushkolaj ka thënë se në takimin e 18 marsit beson që do të diskutohen modelet e Asociacionit.
“Në Kosovë është problem të zbatohet Asociacioni ashtu siç është nënshkruar në vitin 2013, dhe pastaj parimet e 2015 në kuptimin me kompetencat ekzekutive”, ka thënë ai, duke shtuar se do të jetë problem nëse nuk ndërrohet Kushtetuta.
“Janë duke bërë përpjekje që të gjendet një zgjidhje që është sui-generis. Është e rëndësishme se çfarë do të përmbajë aneksi, për shkak se nëse thuhet territor i asociacionit varet se çfarë nënkupton kjo”.
”Është çështje e ndjeshme, Qeveria e Kosovës duhet të jetë e kujdesshme se çfarë do të nënshkruajë në aneksin e zbatimit të Asociacionit”, ka thënë Mushkolaj.
