Ministri i Financave, Hekuran Murati, ka marrë pjesë në takimin e konstituencës të Bankës Botërore në Washington të Shteteve të Bashkuara të Amerikës.
“Takimet e konstituencës janë takime që realizohen së bashku me përfaqësues të lartë nga Banka Botërore, ku ishte prezent edhe Drejtori Ekzekutiv i Bordit të Grupit të Bankës Botërore, Hayrettin Demircan, si dhe ministrat e financave të shteteve anëtare. Qëllimi i këtij takimi ishte diskutimi i objektivave që me theks kanë zhvillimin ekonomik dhe arritjen e prosperitetit të përbashkët për qytetarët e vendeve anëtare”, njofton ministria.
Gjatë takimit u përmbyll edhe procesi i dakordimit të marrëveshjes së re të konstituencës, e cila do të jetë në fuqi për 10 vitet e ardhshme.
Murati ka marrë pjesë në takimin e konstituencës së bashku me përfaqësues nga Ministritë e Financave të Austrisë, Belgjikës, Turqisë, Bjellorusisë, Çekisë, Luksemburgut, Hungarisë, Sllovakisë, si dhe Sllovenisë.
