Muhamet Ramadani është laureati i vitit 2022, i shpallur nga Federata e Atletikës së Kosovës.
Ramadani, reprezentues i Kosovës, që garon në disiplinën teknike përkatësisht në hedhjen e gjylës, është më i miri.
Ai ndihet krenar për epitetin e më të mirit, një motiv shtesë për sukseset gjatë këtij viti.
“Shpallja e sportistit të vitit nga Federata Atletike e Kosovës, ku Meti u shpall sportisti më i mirë i vitit 2022 në të gjitha grupmoshat”, ka shkruar trajneri i Metit, Shaban Ramadani.
Manifestimi u mbajt në hotelin “Sirius”, ku morën pjesë personalitete të shumta sportive.
Halil Sylejmani, kryetar i Federatës së Atletikës së Kosovës, e vlerësoi si vit të suksesshëm vitin 2022, me shpresë se vitit 2023 do të jetë edhe më i mirë.