Moti sot me diell dhe vranësira të pjesshme, temperatura deri në 32°C

F.B.

Mbi vendin tonë të martën do të mbajë me diell dhe vranësira të pjesshme. Gjatë ditës do të fryjë erë nga veriperëndimi, 1–4 m/s.

Sipas Institutit Hidrometeorologjik të Kosovës, vlerat e temperaturave minimale do të lëvizin ndërmjet 11 deri në 14 gradë Celsius, ndërsa maksimalet e ditës parashihen të lëvizin ndërmjet 27 deri në 32 gradë Celsius, raporton RTKlive.

Kjo javë parashihet me kushte të paqëndrueshme meteorologjike. Dy ditët e para të javës mbeten me kushte stabile meteorologjike, ndërsa nga e mërkura serish kushte për reshje shiu. Temperaturat minimale gjatë javës, sipas IHMK-së, do të lëvizin nga 8-16 gradë Celsius, ndërsa maksimalet e ditës parashihen të lëvizin ndërmjet 22-33 gradë Celsius.