Lideri i PSD-sëDardan Molliqaj, ka komentuar vizitën e Kryeministrit Albin Kurti në Tetovë dhe Çair të Maqedonisë së Veriut. Molliqaj e sheh këtë vizitë si një veprim simbolik të Kurtit, që tregon për braktisjen e projektit politik për bashkimin e shqiptarëve.
Vizitën e kryeministrit të Kosovës, Albin Kurti, në Tetovë dhe Çair të Maqedonisë së Veriut, i pari i PSD-së, Dardan Molliqaj, e sheh si simbolikë për të zëvendësuar braktisjen e projektit politik për bashkimin e shqiptarëve.
Sipas Molliqajt, Kurti me simbolika po dëshiron të ruajë autoritetin e tij si një person përtej kufijve të Kosovës.
“Kur e pashë vizitën, m’u kujtu një postim i imi ku është bërë lista e kandidatëve për deputetë për zgjedhjet e viti 2021. Kishte bërë një renditje ku ishin ushtarët e UCK-së, gra të cilat kanë qenë viktimë e dhunimeve të luftës, babi i Astrit Deharit. E pata bërë një postim që po e bën një listë simbolike që t’i shmangë ato kauza…pra në mungesë të projekteve politike që e kishte për çdo çështje që e përfaqëson edhe për dhunimet gjatë luftës për ushtarët e UÇK dhe rastin Dehari vendosi me i rendit lart në listë, pasi kishte nijet t’i braktiste çështjet.
Ajo çka ka ndodhur në Tetovë tash është kur e ka braktisur projektin politik të bashkimit të shqiptarëve që ka pasur VV-ja, tash ka simbolika. Po zëvendësohet projekti politik me simbolika pasi po dëshiron ta ruajë autoritetin e tij si një person përtej kufijve të Kosovës. Kurti nuk ka projekt për shqiptarët, jo vetëm për bashkim e shqiptarëve as edhe për përmirësimin e të drejtave e shqiptarëve në Tetovë”, ka thënë Molliqaj. /Dukagjini
