Ministria e Kulturës, Rinisë dhe Sportit ka reaguar në lidhje me ndërhyrjet në Shtëpinë e Kulturës në Runik nga Komuna e Skenderajt.
MKRS-ja thotë se kjo Shtëpi e Kulturës është aset i trashëgimisë kulturore dhe ndërhyrjet nga Komuna e Skenderajt janë bërë pa pëlqimin e kësaj ministrie, shkruan Zeri.info.
Në reagimin e tyre thuhet se është ndarë buxhet për renovimin e shtëpisë së kulturës, prandaj MKRS-ja i apelon komunës së Skenderajt të ndërpres ndërhyrjet në këtë aset të trashëgimisë kulturore.
“Prandaj, i apelojmë komunës së Skenderajt që të ndërpresë veprimet e paligjshme, dhe njëkohësisht rikujtojmë që mbrojtja e vlerave të përbashkëta të trashëgimisë kulturore është përgjegjësi e të gjitha institucioneve shtetërore, qendrore e lokale”, thuhet në reagim.
