F.B,
Ministri i Mjedisit, Planifikimit Hapësinor dhe Infrastrukturës, Liburn Aliu, së bashku me zëvendësministrin Avni Zogiani kanë mbajtur konferencë për media, lidhur me menaxhimin e mbeturinave, në këtë rast të një çështje të një leje për incinerator në Ferizaj.
Ministri Aliu, ka folur për këtë rast, ku në Ferizaj ishte dhënë një leje mjedisore për djegien e mbeturinave. Sipas tij, një gjë e tillë nuk mund të bëhet pa studim të fizibilitetit, ngase është një çështje shumë e rëndësishme për qytetarët e Kosovës, raporton RTKlive.
Kurse zëvendësministri Avni Zogiani tha se pëlqimi për leje mjedisore ka qenë problematik. Zogiani theksoi se ka kohë që kanë filluar me reformë në fushën mjedisore, por ka qenë vështirë. Ai tha se është e nevojshme të bëhet reformë e thellë tek vlerësim i ambientit.
