Një ngjarje e rëndë ka ndodhur sot në mëngjesin e hershëm në një kafiteri në Skenderaj, ku mbetën të plagosur tre persona dhe një mbeti i vdekur.
Burimet e portalit lokal Rajoni brenda stacionit policor në Skenderaj kanë mësuar ekskluzivisht se viktima është Negjmedin Loshi, 39 vjeç nga fshati Pemishtë i Skenderajt.
Ndërsa ka mësuar ekskluvisht se të plagosur kanë mbetur: Qendrim Januzi [i lindur 1991],Fidan Januzi [i lindur 1982],Muhamet Ramadani [i lindur 1988]
Policia ka njoftuar se nga hetimet e para dyshohet se dy persona kanë hyrë në një kafiteri dhe kanë shtënë, ndërsa policia i ka nisur hetimet e në vend ngjarje janë gjetur disa gëzhoja.
Trupi i viktimës është dërguar në obduksion ndërsa të dyshuarit janë në kërkim të policisë.
Njoftimi i plotë:
Rreth orës 01:21, të datës 10 gusht 2023, policia ka marrë informatën për të shtëna me armë zjarri në një kafiteri në fshatin Runikë të Skenderajt. Menjëherë në vendin e ngjarjes kanë dalë njësitet e nevojshme policore dhe ekipi mjekësor.
Bazuar në hetimet fillestare, nga arma e zjarrit lëndime kanë pësuar katër persona, njëri nga të lënduarit viktima N. L., 39 vjeçar, ka ndërruar jetë në vendngjarje, ndërsa, tre persona të tjerë të lënduar ( po ashtu nga arma e zjarrit ) janë dërguar për tretman mjekësor në QKUK.
