Sot ministri i Mbrojtjes, Armend Mehaj, ka raportuar në Komisionin për Çështje të Sigurisë dhe Mbrojtjes për punën e bërë gjatë këtij viti.
Por kur u pyet për vlerën e armatimit që FSK-ja ka blerë gjatë vitit 2021 dhe 2022, ai deklaroi se për këtë çështje do që të flasë në mbledhje të mirë, raporton Zeri.info.
“Besoj që këtë pyetje është mirë ta trajtojmë kur ta kemi seancën të mbyllur”, u shpreh ai.
Mehaj ka theksuar se gjatë këtij viti legjislacioni i fushës së sigurisë ka avancuar, duke plotësuar dhe ndryshuar Ligjin për shërbim në Forcën e Sigurisë së Kosovës, Ligjin për FSK-në dhe Ligjin për Ministrinë e Mbrojtjes.
“Nëpërmjet plotësim-ndryshimit të këtyre ligjeve kemi bërë një hap të rëndësishëm për ushtrinë e Republikës së Kosovës, duke hequr kufizimin në numër të pjesëtarëve aktivë dhe rezervë, si dhe duke shtyrë kriterin e moshës së lejuar për aplikimin e rekrutëve deri në moshën 25-vjeçare”, ka theksuar Mehaj. /Zëri
