Një operacion i madh policor është duke ndodhur në Mynih, pasi një veturë raportohet se u përplas në këmbësor në jug të qytetit gjerman.
Bild raporton se të paktën 15 persona janë lënduar, transmeton Telegrafi.
Në një kumtesë të lëshuar nga policia e atjeshme është bërë e ditur se aktualisht po zhvillohet një operacion i madh policor.
Bëhet fjalë për një operacion policor në rrugët Dachauer dhe Seidle.
E tërë zona në afërsi të stacionit të trenave në Mynih është mbyllur nga forca të shumta të policisë.
Ata njoftuan në X se kanë arritur të arrestojnë shoferin, i cili sipas tyre nuk përbën më kërcënim.
Konferenca e Sigurisë në Mynih pritet të fillojë të premten, ku zëvendëspresidenti amerikan JD Vande dhe presidenti ukrainas Volodymyr Zelensky pritet të marrin pjesë.
