Qeveria e Republikës së Kosovës mbajti mbledhjen e saj të 221-të ku mori vendime të rëndësishme, përfshirë:
Ndryshime në Bordet e Ndërmarrjeve: Gëzim Paci u emërua kryesues i Bordit të Postës së Kosovës.
Emërime të reja: Genc Metaj u caktua Drejtor Ekzekutiv në Agjencinë për Menaxhimin e Emergjencave dhe u krijua një Komision ad hoc për pozicionin Drejtor i Përgjithshëm në Institutin e Kosovës për Administratë Publike.
Rruga Rajonale R-217 segmenti: Ballaban – Banjskë do të mbajë emrin e Heroit të Kosovës, Afrim Bunjaku.
Poashtu u ndanë 219,000 euro për organizimin e Forumit Ekonomik në Paris, me fokus në promovimin e teknologjisë së informacionit dhe tërheqjen e investimeve.
Gjithashtu në mbledhje u aprovuan rregullore për vlerësimin e rezultateve në punë, procedurat e konkurrimit për nëpunësit teknikë, pezullimin dhe përfundimin e marrëdhënieve të punës në Shërbimin Civil.
