Mbahet seanca e Kuvendit, në rend dite 29 pika

F.B.

Kuvendi i Kosovës sot pritet të mbajë seancën e parë të sesionit vjeshtor të kësaj legjislature. Në këtë seancë e cila pritet të fillojë në orën 10:00 në rend ditë janë 29 pika.

Deputetët e Kuvendit pritet të diskutojnë për shumë pika të rendit të ditës, në mesin e tyre edhe për miratimin e procesverbaleve nga seancat e mëparshme si edhe zgjedhja e një anëtari të Bordit të Radiotelevizionit të Kosovës, nga radha e komunitetit shqiptar.

Pikë tjetër në seancën e sotme emërimi i shtatë anëtarëve të Këshillit të Kosovës për Trashëgimi Kulturore si dhe votimi në lexim të dytë i Projektligjit për shëndetin riprodhues dhe fertilizim të asistuar mjekësor.