Emisari special i BE-së për dialogun Kosovë – Serbi, ka qëndruar sot për vizitë në Serbi, ku u takua me presidentin e atjeshëm, Aleksandar Vuçiq dhe drejtor i Zyrës për Kosovë në Qeverinë e Serbisë, Petar Petkoviq.
Lajçak tha se me Vuçiqin dhe Petkoviqin folën për takimin e javës së ardhme në nivel të kryenegociatorëve për zbatimin e Marrëveshjes së Brukeslit.
“Folëm për takimin e ardhshëm të kryenegociatorëve, çështjet aktuale të cilat duhet të adresohen urgjentisht dhe zbatimin e Marrëveshjes për rrugën drejt normalizimit”, shkroi Lajçak.
Më 19 mars në Bruksel do të mbahet takimi i ardhshëm në nivel të kryenegociatorëve, ku ndër temat që do të diskutohen janë zbatimi i Marrëveshjes së Brukselit dhe Aneksit të Ohrit e po ashtu edhe çështja e dinarit në Kosovë.
