F.B.
Kryeministri i Kosovës, Albin Kurti e ka publikuar në Facebook logon për 25 vjetorin e çlirimit të Kosovës.
Kurti ka thënë se në logo paraqiten motivet tradicionale të rifreskuara me dizajn modern.
ADVERTISEMENT
“Frymëzuar nga historia dhe kultura, motivet e ngjyrat që i gjejmë të qëndisura në veshjet tradicionale e të thurura në artizanatet tona, na vijnë të rifreskuara me dizajn modern. Aty shohim profilin e pëllumbit të bardhë që simbolizon paqen e lirinë, si dhe simbolin e shqiponjës dykrenare e vigjilente, që është e ngulitur thellë në historinë e identitetin tonë kombëtar”,ka shkruar Kurti në Facebook.
25-vjetori i çlirimit të Kosovës shënohet me aktivitete të ndryshme nga 8 deri më 21 qershor.
