Kryeministri i Kosovës, Albin Kurti në një intervistë për televizionin boshnjak “O Kanal”, ka folur për situatën në veri të vendit si dhe për barrikadat e vendosura nga ana e serbëve, për të dërguarin SHBA-ve, Gabriel Esobar për dhe për Open Ballkan.
Kurti përsëri ka thënë se po presin KFOR-in, por nëse KFOR nuk i largon, ai ka thënë se “ne do t’i largojmë”.
Kryeministri Kurti ka thënë se heqja e barrikadave nuk mund të zgjasë me muaj dhe se heqja e tyre është çështje javesh.
“Nuk mund të zgjasë me muaj. Nuk mundet për javë të tëra. Mund të zgjasë vetëm me ditë”, ka thënë gjatë intervistës, shkruan Istraga.
Kurti kur u pyet për veriun ai u përgjigj duke thënë se barrikadat e vendosura janë episodi i dytë i serbëve pasi i pari ishte largimi nga institucionet,
“E kemi policinë tonë në veri, e cila tani është më prezente se më parë. Por ne kemi edhe njëmbëdhjetë barrikada. Këto barrikada ishin episodi i dytë i episodit të parë, që ishte se serbët nga veriu morën urdhër nga Beogradi që të largohen nga të gjitha institucionet e Kosovës.”, ka thënë ai.
Poashtu ai ka thënë se i dërguari i SHBA-ve për Ballkanin Perëndimor, Gabriel Esocbar bën lëshime ndaj Beogradit dhe se më të nuk pajtohen në disa pika.
