F.B.
Kryeministri i Kosovës, Albin Kurti ka reaguar pas sulmit që iu bë sot kryeministres daneze Mette Frederiksen.
Kurti përmes një shkrimi në platformën ‘X’ u shpreh i shqetwsuar nga kjo ngjarje, duke shtuar se figurat publike, veçanërisht gratë përballen me kërcënime dhe rreziqe alarmante.
“Jam thellësisht i shqetësuar nga raportimet se kryeministrja daneze Mette Frederiksen u sulmua sot në Kopenhagë. Kjo ngjarje shqetësuese vjen mes dhunës dhe tensionit në rritje përpara zgjedhjeve të BE-së. Figurat politike, veçanërisht gratë, përballen me kërcënime dhe rreziqe alarmante në rolet e tyre publike, duke theksuar kërcënimin e rëndë ndaj demokracisë që përfaqësojnë sulme të tilla. I urojmë Kryeministrit Frederiksen një shërim të shpejtë dhe të plotë gjatë kësaj kohe sfiduese”, shkroi Kurti.
