KoSSev: Është djegur vetura e nënkryetares së Leposaviqit

Një veturë e D.M është djegur pjesërisht mbrëmë në Leposaviq.

Mediumi në gjuhën serbe “KoSSev” raporton se vetura i takon nënkryetares së Leposaviqit, Dragana Miletiq.

“Siç ka konfirmuar për portalin tonë zëvendëskomandanti i Policisë së Kosovës për rajonin e Veriut, Veton Elshani – paraprakisht dyshojnë se zjarri ka qenë zjarrvënie, por se nuk bëhet fjalë për targa si shkaktar i mundshëm”, shkruan portali.

Në të njëjtën kohë, Elshani tha se hetimet janë duke vazhduar dhe se paraprakisht bëhet fjalë vetëm për dëmtim të veturës, në vlerë prej rreth disa qindra eurove.