F.B.
Kombëtarja e Kosovës është nisur drejt Qipros, ku nesër zhvillon ndeshjen e dytë në kuadër të Ligës së Kombeve.
Përmes një video shihet të postuar nga Federata e Futbollit të Kosovës në rrjetin social Facebook, shihet se dardanët kanë marr rrugë drejt Qipros.
Pas asaj humbje dëshpëruese në “Fadil Vokrri” ndaj Rumanisë, kërkohen tri pikët e para në Ligën e Kombeve edicionin e ri.
Mirëpo, dardanët në Qipro do të jenë pa tre lojtarët kryesor, Edon Zhegrovën, Florent Muslijajn dhe Aro Muric.
Këta tre futbollistë janë përjashtuar nga kombëtarja për arsye të thyerjeve të rregullave që i kishte përcaktuar FFK dhe përzgjedhësi, Foda.
Siç shihet në video vendin e Muric e ka zënë portieri i Dritës, Faton Maloku i cili ka qenë në listën rezervë të kombëtares.
Kosova ndaj Qipros luan nesër me fillim nga ora 18:00.
