Është konstituuar Komisioni Hetimor Parlamentar në lidhje me procedurat për furnizimin dhe menaxhimin me rezervat shtetërore, keqpërdorimet dhe abuzimet e mundshme me rezervat shtetërore nëpërmjet kualifikimit të procedurës si sekret shtetëror për furnizime të tilla. Konstituim i këtij Komisioni, ka dështuar shtatë herë radhazi, për shkak të bojkotimit të deputetëve të pozitës për të marr pjesë në mbledhje.
Është arritur të konstituohet Komisioni Hetimor Parlamentar në lidhje me procedurat për furnizimin dhe menaxhimin me rezervat shtetërore dhe keqpërdorimet dhe abuzimet e mundshme me rezervat shtetërore nëpërmjet kualifikimit të procedurës si sekret shtetëror për furnizime të tilla.
Dështimi për konstituimin i këtij Komisioni kishte ndodhur për shkak të bojkotimit të vazhdueshëm të deputetëve nga pozita.
Konstituimit të Komisionit Hetimor i ka paraprirë një debat i ashpër ndërmjet deputetit të Vetëvendosjes, Halil Thaçi me deputetët e opozitës e në veçanti me anëtaren e këtij komisioni nga LDK, Doarsa Kica Xhelili.
Debati ka nisur kur deputeti Thaçi kërkojë nga deputetët e opozitës që të sqarohen për deklarimet e tyre të fundit, duke thënë se iu kanë bërë gjyqin publik anëtarëve të këtij Komisioni nga LVV-ja, duke i quajtur hajna.
Sipas kryetarit të Komisionit, Rashit Qalaj ka thënë se formimi i Komisionit Hetimor nuk është vullnet, por është konsensus që është arritur që të votohen marrëveshjet ndërkombëtare, e Vetëvendosje të vijë në Komision.
Sidoqoftë komisioni i themeluar me përbërje të deputetëve të pozitës dhe opozitës do të ketë kohë 6 muaj të zhvillojë hetime lidhur me keqpërdorimin e mundshëm të rezervave shtetërore.
