Policia e Kosovës njofton se ka trajtuar një informacion për posedim të lëndëve narkotike nga një i dyshuar.
Kështu, pas hetimeve paraprake, kanë arritur ta ifentifikojnë të dyshuarin; A. Q. (viti i lindjes 1983, mashkull kosovar).
Policia ka arritur ta lokalizojë shtëpinë e tij dhe të mërkurën, pas plotësimit të procedurave për kontroll nga organet e drejtësisë, në ora 12:27 është kontrolluar shtëpia e të dyshuarit.
ADVERTISEMENT
Gjatë kontrollimit të shtëpisë së të dyshuarit në Prizren, policia ka arritur të gjejë dhe të konfiskojë 19 kg 546 gr substancë,që dyshohet të jetë e llojit marihuanë.
Pas intervistimit, me aktvendim nga prokurori, i dyshuari është dërguar në mbajtje deri në 48 orë.
