F.B.
Ministri i Kulturës, Rinisë dhe Sportit, Hajrulla Çeku, ka bërë të ditur se Kompleksi i Kullave të Isa Boletinit, së shpejti do të ketë ekspozitën e përhershme dhe bashkëkohore. Ky kompleks gjendet në fshatin Boletin të Komunës së Zveçanit.
Ministri Çeku ka thënë se janë duke punuar që këto asete të jenë të qasshme për vizitorët dhe të ofrojnë ekspozita cilësore.
ADVERTISEMENT
“Pas funksionalizimit përmes menaxhimit e aktiviteteve të rregullta, Kompleksi i Kullave të Isë Boletinit së shpejti do të ketë ekspozitën e përhershme dhe bashkëkohore e cila po kurohet në mënyrë profesionale”, ka shkruar Çeku në Facebook.
Ministri ka thënë se këto asete do t’i shërbejnë komunitetit dhe të njëjtat do të jenë pika kyqe të turizmit në vend.
