Liverpuli dhe Reali i Madridit u ballafaquan sërish në Ligën e Kampionëve, duke zhvilluar një nga ndeshjet më të bukura të këtij kompeticioni. “Los blancos” përmbysën rezultatin nga 2-0 në 2-5, duke bërë një jehonë të madhe mediatike.
Jurgen Klop është i pafat përballë madrilenëve, ndaj të cilëve ka humbur gjithnjë në Ligën e Kampionëve.
Për trajnerin gjerman nuk kanë munguar ironitë në rrjetet sociale, ku i vënë në dukje frazën e thënë prej tij pas finales së vjetshme në këtë kompeticion.
Pas humbjes ndaj Realit të Madridit në finale, Klopp do të shprehej me fjalët:
“Ku është vitin tjetër? Në Stamboll? Rezervoni hotelin”.
Për ironi të fatit, shorti e vendosi përballë “los blancos”, të cilët sërrish e mposhtën.
Madje këtë herë, me një rezultat që do e mbajë mend gjatë.
