KEDS, për natën e ndërrimin e motmoteve, ka siguruar energji për fundvit.
Lulzim Krasniqi, nga KEDS, tha se i kanë bërë të gjitha përgaditjet për furnizim stabil me rrymë për vitin e ri dhe për ditët në vijim.
“Ne kemi siguruar edhe import të energjisë po ashtu kemi kemi angazhuar 400 punëtorë në teren”, tha ai për RTK. Krasniqi ka bërë të ditur se së fundi shpenzimi i energjisë ka shkuar 1200 MW për orë, në Kosovë po prodhohen 800 MW, ndërsa pjesa tjetër po importohet.
Krasniqi foli edhe për problemin që ka Malisheva me energji e që për të rregulluar atë duhet të ketë ndërtim të një stacioni të ri të rrymës, por që sipas tij është kompetencë e tjetërkujt dhe jo e KEDS-it.
Krasniqi, po ashtu tha se KEDS po punon që të parandalojë vjedhjet e energjisë, si dhe ka ftuar qytetarët e Kosovës, për kursim të energjisë.
Ndryshe dje 37.5 milionë euro ka ndarë Qeveria për sigurim të furnizimit me energji elektrike, nga të cilat 20 milionë janë ndarë për Korporatën Energjetike të Kosovës, ndërsa mbi 17 milionë për Operatorin e Sistemit të Transmisionit dhe Tregut, për pagesa të borxheve ndaj Rrjetit Evropian të Operatorëve të Sistemit të Transmisionit të Energjisë Elektrike.
