F.B.
Manchester City ka kompletuar transferimin e Josko Gvardiol nga Leipzigu.
Kampionët në fuqi të Anglisë dhe Evropës zyrtarizuan sot transferimin e mbrojtësit kroat.
Gvardiol ka nënshkruar kontratë pesë-vjeçare me “Qytetarët”, të vlefshme deri më 30 qershor 2028.
Sipas raportimeve, Man City ka paguar 90 milionë euro për transferimin e 21-vjeçarit.
“Gjithmonë kam ëndërruar që një ditë të luaj në Angli dhe ta bëj këtë tani me Manchester Cityn – pas sezonit që sapo kanë pasur – është një nder i vërtetë për mua. Kushdo që e ka parë Manchester Cityn duke luajtur sezonin e kaluar, e di se është skuadra më e mirë në botë. Për të fituar trefishin thotë gjithçka që duhet të dini për cilësinë që ka ky ekip. Të bashkohem me Cityn është diçka shumë e veçantë për mua dhe familjen time”, u shpreh reprezentuesi i Kroacisë pas nënshkrimit me Man Cityn.
“Të kesh mundësinë për të punuar me Pep Guardiolën , gjithashtu, do të jetë fantastike. Jam i sigurt se loja ime do të përparojë nën drejtimin e trajnerit më të mirë në futboll”, deklaroi Gvardiol.