Presidentja e Hungarisë, Katalin Novak, ka dhënë dorëheqje e këtë e ka bërë të ditur vetë ajo, gjatë një adresimi të drejtpërdrejtë televiziv në media atje.
Shkak i dorëheqjes ishte bërë falja e një të dënuari i cili e kishte fshehur një rast të abuzimit seksual të fëmijëve.
Javën e kaluar u bë e ditur se Novak e kishte falur një të dënuar të burgosur i cili i kishte detyruar fëmijët t’i tërheqin pretendimet e abuzimit seksual kundër një drejtori të një shtëpie shtetërore për përkujdesje të fëmijëve.
Novak kërkoi falje dhe tha se ka gabuar në vendimin për falje.
Ndryshe, në Hungari janë mbajtur protesta ku bëhej thirrje për largimin e saj nga presidenca. Partitë opozitare dhe protestuesit kërkonin dorëheqjen e saj, megjithatë vendimi i sotëm i presidentes për ta bërë këtë ishte e befasishëm pasi ishte i papritur.
Ndërkaq, në vitin 2022, Katalin Novak u bë gruaja e parë presidente e vendit, roli ky që është kryesisht ceremonial.
Përndryshe, Novak është aleatja kryesore e kryeministrit të Hungarisë, Viktor Orban.
