F.B.
Ish presidenti i klubit turk, Ankaragucu, Faruk Koca, mund të marr një dënim të rëndë për shkak të sulmit fizik që e pati javë më parë ndaj gjyqtarit Halil Umut Meler.
Koca mund të dënohet deri në 13 vjet burgim, nëse akuzat ndaj tij vërtetohen.
Ai sot ka dal para një gjykate turke dhe ka shprehur keqardhje për sulmin që e ka kryer ndaj gjyqtarit, ndërsa procesi gjyqësor ndaj tij do të vazhdojë.
Për shkak të sulmit, Faruk Koca ishte përjashtuar përjetësisht nga Federata e Futbollit e Turqisë.
Bordi i federatës kishte vendosur që pronari i Ankaragucus të paguajë edhe gjobë prej 54 mijë dollarësh dhe që klubi pesë ndeshjet e ardhshme si vendas t’i luajë pa tifozë.
Koca, i cili u përfol si një kandidat i mundshëm për kryetar bashkie të Ankarasë, më pas dha dorëheqjen nga posti i tij.
I gjithë sulmi erdhi pasi ai ishte i indinjuar me gjyqtarin Meler për përjashtimin e njërit prej lojtarëve të tij dhe më pas pranimin e një goli në minutat shtesë.
