Ish-ministri i Brendshëm i PDK-së për Sveçlën: E dhimbshme të shohësh ministrin duke luajtur rolin e komandos

Anëtari i Kryesisë së PDK-së Zenun Pajaziti, i ftuar në emisionin “Destinim” në Radio Prishtina, ka folur sot për zhvillimet e fundit në vend.

Pajaziti, i cili ka qenë edhe ministër i Punëve të Brendshme para disa vjetësh, ka komentuar edhe punën e ministrit aktual Xhelal Sveçla, ndaj të cilit ka pasur kritika se po luan rolin e komandos, transmeton Zeri.info.

“Ministri Svecla është pasqyrim i mentalitetit të kësaj Qeverie. Është e dhimbshme të shohësh një ministër të brendshëm duke luajtur rolin e komandos me ato dhomat e krizës, me policinë në kufi, me uniformë herë pas here e me njerëz të rrethuar me armë të gjatë në kufi në këtë kohë”, tha Pajaziti.