Autoritetet policore në provincën Qom të Iranit kanë njoftuar se 22 persona “të lidhur me shërbimet e spiunazhit të Izraelit” janë arrestuar që nga data 13 qershor.
Agjencia e lajmeve Fars, duke e cituar kreun e inteligjencës së policisë në provincën Qom, ka raportuar se 22 persona janë identifikuar dhe arrestuar me akuzat për lidhje me shërbimet e spiunazhit të regjimit zionist, tronditje të opinionit publik dhe mbështetje për regjimin kriminal.
ADVERTISEMENT
Këto zhvillime kanë ndodhur pasi policia iraniane kishte njoftuar po ashtu për arrestimin e 24 personave nën akuzat e spiunazhit për Izraelin dhe përpjekje për ta njollosur imazhin e vendit.
