F.B.
Ish-kryeministri, tash deputet i LDK-së, Avdullah Hoti, ka thënë se raportimi i kryeministrit Albin Kurti para medieve për dialogun ishte vajtim dhe dëshmi e paaftësisë së tij për ta udhëhequr këtë proces.
Deputeti Hoti ka renditur disa pika ku, siç ka thënë ai, ka gabuar kryeministri Kurti në procesin e negociatave.
“Raportimi lidhur me dialogun duhet të bëhet në Kuvendin e Kosovës, siç e kërkon Rezoluta e Kuvendit, ku thuhet ‘Kryeministri raporton në Kuvend para dhe pas çdo takimi në kuadër të dialogut Kosovë-Serbi’. Kujtojmë se në dy vite dialog, vetëm një informatë është dhënë në Kuvend nga Kryeministri në një seancë të kërkuar nga opozita”, ka shkruar ai.
Sipas Hotit, Kurti e ka degraduar dialogun dhe i ka shkaktuar dëm të madh vendit.
