Deputeti nga radhët e Lidhjes Demokratike të Kosovës, Avdullah Hoti, ka thënë se është rritur numri i familjeve që janë nën pragun e varfërisë.
Duke folur lidhur me Projektbuxhetin për vitin 2024, Hoti ka thënë se numri i këtyre familjeve është rritur me 10 përqind krahasuar me vitin 2021.
“Raportet zyrtare të institucioneve kredibile tregojnë se numri i familjeve nën pragun e varfërisë është rrit me 10 përqind krahasuar me vitin 2021”, tha Hoti.
Hoti tha se është përkeqësuar struktura e buxhetit, derisa bëri një krahasim mes vitit 2017 dhe 2022.
“Nëse e krahasoni vitit 2017 me atë të vitit 2022, investimet kapitale kanë rënë nga 36 përqind në 16 përqind të buxhetit si shpenzim real. Ndërsa subvencionet janë rri nga 23 përqind në 41 përqind të buxhetit. Kjo është arsyeja pse nuk shohim efekt real në rritjen ekonomike në vend nga ky buxhet”, ka thënë Hoti.
