F.B.
Drejtori i Agjencisë për Siguri dhe Informacion i Serbisë (BIA), Aleksandar Vulin, është futur në listën e sanksioneve amerikane. Kështu bëri të ditur Zyra për Kontrollin e Aseteve të Huaja në Departamentin amerikan të Thesarit.
Profesori i marrëdhënieve ndërkombëtare, Afrim Hoti vlerësoi se është lajm i mirë që drejtori i Agjencisë për Siguri dhe Informacion i Serbisë (BIA), Aleksandër Vulin, është futur në listën e sanksioneve amerikane.
Hoti tha për Infoplus në RTK se mund të ketë edhe emra të tjerë që do të futen në listën e zezë amerikane, përfshirë edhe ndonjë emër nga Kosova pasi që nuk mund të jemi ne të përjashtues.
Sipas tij, ShBA nuk fut në listë pse janë serbë apo shqiptar, por fut personat që janë kundër politikave amerikane dhe që janë rrezik për stabilitetin rajonal dhe më gjerë.
Për ftohjen e raporteve mes Kosovës dhe SHBA-ve, profesori i marrëdhënieve ndërkombëtare, Afrim Hoti, tha se kjo është gjë negative, pasi që edhe Kosova është vend i vogël.