Në episodin më të ri të dokumentarit muzikor, “Fjalë e tinguj” që shfaqet në RTK, këtë javë është trajtuar historia e këngës “Për mue paska kenun kismet”.
Teksti dhe melodia e kësaj krijimtarie kanë autorsinë e Palokë Kurtin, i cili edhe u njih për këngët shkodrane që la pas.
“Jaret shkodrane njihen për një teknikë më të avancuar sesa këngët e rëndomëta. Nëse flasim edhe për anën muzikore, dallohet një çiltërsi dhe dihet kujt ia dedikohet. Tërhiqet nga ofshama e shumë këngëve me karakter të ahengut, sufist ose që kanë pasur një tematikë tjetër, ky merret kryekëput me dashurinë dhe çiltërsinë e vajzës”, ka thënë etnomuzikologu Krenar Doli.
Në versionin orkestral kënga ka ardhur për herë të parë nga sopranoja Selvije Marteti, e cila ka interpretuar para bilbilit të Kosovës, Nexhmije Pagarusha.
“Gjithë kohën ju kam drejtuar asaj duke pritur se si do të m’i jap në fund kritikat e mira, më lavdëroj. Më tha ‘Selvije e ke kënduar ashtu siç është dashur të këndohet’. Jam shumë e lumtur për këtë fakt”, ka thënë Marteti.
