Pas dy ditësh është liruar për qarkullim pika kufitare në Merdar.
Dy ditë më parë serbët në pjesën e Serbisë, përkatësisht dy kilometra brenda territorit të tyre, kishin vendosur barrikadë në Merdar, kështu duke e bllokuar qarkullimin. Si pasojë e vendosjes së barrikadave në kilometrin e dytë brenda Serbisë, pika kufitare në Merdar ka qenë e mbyllur për dy ditë me radhë, shkruan “Zeri.info”.
Policia e Kosovës ka njoftuar se kjo pikë kufitare tashmë është liruar për qarkullim.
“Andaj, njoftojmë qytetarët dhe bashkatdhetarët tani se pikëkalimi kufitar Merdar është liruar për qarkullim dhe i është kthyer normalitetit të plotë”, thuhet në njoftimin e Policisë së Kosovës.
Për shkak të vendosjes së këtyre barrikadave bashkatdhetarët janë detyruar të përdorin rrugë tjera alternative dhe pika kufitare Dheu i Bardhë ka qenë më e ngarkuara gjatë këtyre dy ditëve. /Zëri
