F.B.
Hasan Hyseni është shpallur “Ylli i Javës” nga Federata e Futbollit të Kosovës dhe sponsori i Superligës, Albi Mall.
Ky vlerësim i është bërë Hysenit për paraqitjen e tij në ndeshjen e fundit të Superligës, ku skuadra pjesë e të cilës është, Prishtina, ka triumfuar ndaj Malishevës me rezultat 0-1.
ADVERTISEMENT
Vlerësimi i më të mirit të javës është bërë nga një panel i përbërë nga veteranët e futbollit kosovar Lulzim Berisha, Avni Shala dhe Adem Sylejmani.
Hyseni e ka mirëpritur çmimin duke thënë se atë ua dedikon bashkëlojtarëve.
“Faleminderit për këtë çmim. Është një vlerësim i madh për mua. Dua t’ia dedikoj të gjithë bashkëlojtarëve që kanë pasur meritë për këtë fitore. Shpresojmë që të vijnë edhe çmime të tjera në të ardhmen”, ka thënë Hyseni.
