Një anëtar i grupit “Anonymous Albania” ka bërë një intervistë ekskluzive për T7 në emisionin Majtas jo Djathtas.
Ai ka folur për sulmin e fundit mbi faqet e kryeministrisë, Presidencës dhe Prokurorisë së Kosovës. Ai ka thënë se arsyeja e sulmit mbi këto faqe ka qenë mungesa e të drejtave të punëtorëve në Kosovë dhe mos-mbrojtja e tyre. Po ashtu, arsye tjetër ka qenë reagimi në rastin e përdhunimit të një 11 vjeçareje.
Ai ka thënë se uebfaqet e institucioneve në Kosovë janë shumë të dobëta dhe ka alarmuar për rrezikun mund të ndodhë nga sulmet e ardhshme.
“Shumë të dobëta”, ka thënë ai për sigurinë e këtyre faqeve, duke treguar edhe ku janë dobësitë e tyre.
“Në IP-ja. Duhet të bëjë ndryshime qeveria e Kosovës. Shumë lehtë muj me hy në databazë.”, shtoi ai.
Në fund ai tha se nuk ka aspak pendesë për atë se çfarë kanë bërë si grup, por që janë krenar.
“Jo, ne ndihemi krenar për gjithçka që kemi bërë”, përfundoi ai.
