Me datën 26 janar rreth orës 13:10 policia kishte pranuar një informacion se në rrugën “12 Qershori” në filialën e KESCO në Shtime ishte një rast i grabitjes, ku dy persona të dyshuar me maska nën kërcënimin e armëve të zjarrit arrijnë të grabisin rreth katër mijë euro.
Të dyshuarit, sipas policisë janë larguar me një automjet Tauran dhe më pas i kanë vënë flakën në rrugën që çon për në fshatin Jezercë dhe nga aty janë larguar me një automjet tjetër në drejtim të panjohur.
“Pas një pune intenzive hetimore, grumbullimit të informacioneve në terren, shikimit të kamerave të sigurisë, hetuesi rajonal kanë identifikuar automjetin me të cilin janë larguar të dyshuarit pasi kanë vënë flakën automjetit që kishin kryer grabitjen dhe sot, datë 01.02.2023 në ora 01:20 në Ferizaj, kanë ndaluar dhe më pas kanë arrestuar të dyshuarin e parë të kësaj ngjarje mashkull, kosovar i moshës 35 vjeçar, të cilin e kanë shoqëruar në Policinë Rajonale të Ferizajt, përkatësisht në Sektorin Rajonal të Hetimeve”, njofton policia.
Pas intervistimit nga policët hetues, me vendim të prokurorit të rastit i dyshuari është dërguar në mbajtje për 48 orë për procedura të mëtejme hetimore, me dyshimin se ka kryer veprën penale ” Grabitje”, ndërsa në kërkim policor mbeten të dyshuarit tjerë.
