Qeveria Kurti më në fund ka lëvizur lidhur me Projektligjin për pagën minimale, i cili është miratuar në lexim të parë gati qe një vit. Ky projektligj do të shqyrtohet nesër në Komisionin për Buxhet, Punë e Transfere e më pas do t’i procedohet Kuvendit për lexim të dytë. Për të hyrë në fuqi, projektligji duhet të kalojë në lexim të dytë dhe të tretë dhe të nënshkruhet nga Presidentja.
Qeveria është kujtuar tek tash për Projektligjin që do ta rriste pagën minimale në vend, që ka mbetur e pandryshuar që nga viti 2011.
ADVERTISEMENT
Ky Projektligj është miratuar në lexim të parë qysh në qershor të vitit të kaluar dhe parasheh rritjen e pagës minimale në 264 euro bruto, apo 250 euro neto, nga 130-170 sa është aktualisht.
