F.B.
Franca ka mposhtur sërish Holandën edhe në ndeshjen e dytë dhe e ka prerë biletën për në Gjermani.
Ndeshja e të enjtes është mbyllur me rezultat 1-2 në favor të “Gjelave”.
Francezët kanë kaluar në epërsi qysh në minutën e shtatë me golin e Mbappe pas një asistimi nga Clauss.
Me këtë rezultat është mbyllur pjesa e parë.
Edhe në çastet e para të pjesës së dytë francezët kanë gjetur golin. Dhe ka qenë pikërisht futbollisti i Paris Saint Germanin ai që e ka dyfishuar epërsinë.
Holandezët e kanë ngushtuar epërsinë në minutën e tetëdhjetë e tretë me Hartman, por nuk kanë qenë në gjendje të bëjnë më shumë.
Pas kësaj ndeshje Franca ka mbledhur tetëmbëdhjetë pikë, duke siguruar kualifikimin për Euro 2024. Ndërsa Holanda që ka shumë punë për të bërë teksa takohet me Greqinë të hënën, gjendet në vendin e tretë tri pikë më pak se helenët.
