Festivali ndërkombëtar i teatrit “Burbuqe Berisha” fillon sot dhe do të zgjasë deri më 26 maj. Kësisoj, kryeqyteti do të ketë një javë të ngjeshur me shfaqje teatrale.
Doruntina Berisha, drejtoreshë artistike e këtij festivali, në emisionin “Mirëmëngjesi Kosovë” u shpreh se janë plotësisht gati për shfaqjen e premierës së parë të festivalit.
“Sonte do të fillojmë me shfaqjen ‘Mohamed Ali, One and Only’, nga teatri kombëtar i Sarajevës, me regji të Dino Mustafiq. Kemi tetë shfaqje në kuadër të festivalit, gjashtë prej tyre janë në programin garues, ndërsa dy prej tyre janë vetëm shfaqje mysafire”, tha Alshiqi në RTK.
Shfaqjet tjera që do të jenë në program janë: The Feral Womxn nga Teatri i Bauturmit; Bretkosa nga Teatri “Faruk Begolli”; Father and Father nga Integra; Here, Kitty Kitty nga Teatri Presvrt e J.H.K Dzinot; Embers nga Teatri Erato & HNK Zagreb; Queens of the Night Club nga Teatri Kombëtar Eksperimental “Kujtim Spahivogli” dhe Bloody Moon nga Teatri Kombëtar i Malit të Zi.
Në tri vitet e fundit ky festivali bart emrin e regjisores së ndjerë, Burbuqe Berisha, e cila kishte punuar shumë që ky festival të arrinte deri në këtë nivel, derisa përveç shfaqjeve teatrale do të ketë edhe ‘after party’ me muzikë.
