F.B.
Prishtina e Re nuk ia doli që të hyjë në elitën e futbollit.
Debutuesi i Ligës së Parë të Kosovës, grupi B, sot ka pësuar humbje në finalen e barazhit, me rezultat 1:0 nga Feronikeli 74.
Goli u realizua në minutën e 97-të duke iu falënderuar futbollistit Alban Shillova.
“Nuk ia dolëm sot, por do të kthehemi edhe më të fortë.
Djelmoshat tanë treguan paraqitje shumë të mirë, por sot ishim krejtësisht të pa fat, u ndëshkuam në frymën e fundit, në minutën e 97-të!
Në vitin tonë të parë në Ligën e Parë treguam fytyrë të kampionit, në të gjitha aspektet, por titulli na u ‘vodh’!
Jemi shumë krenar për këta futbollistë, staf teknik e të gjithë në këtë klub sepse gjithçka deri këtu e kemi bërë me dinjitet, djersë e profesionalizem.
Falënderojmë të gjithë tifozët dhe mbështetësit tanë që na mbështeten gjithë vitin, e veçanërisht sot që krijuan një atmosferë fantastike, jemi shumë krenar edhe me ju, e për ju e me ju do të kthehemi edhe më të fortë.
Ky është veç fillimi, keni për të parë shumë nga ne!”, reagon Prishtina e Re.
