F.B.
Trajneri slloven Goran Stankoviq (43 vjeç) u rrëzua në tokë pas ndeshjes mes skuadrës së tij Bistrica me Nafta-n.
Pas ndeshjes, Stankoviqin e ka kapur shtrëngimi i gjoksit dhe është rrëzuar përtokë dhe jetën ia shpëtuan mjekët pas ndërhyrjes urgjente.
Stankoviq, ish-trajneri i Olimpisë së Lubjanës dhe aktualisht drejton skuadrën e kategorisë së dytë sllovene, Bistrica.
Klubi i tij bëri të ditur se trajneri është në gjendje stabile dhe se do të qëndrojë për disa ditë në spitalin e Mariborit për të kryer të gjitha analizat.
ADVERTISEMENT
Siç raportojnë mediat sllovene, gjendja shëndetësore e Stankoviqit është inkurajuese, ku mjekët kanë arritur që të parandalojnë me kohë më të keqen.
