F.B.
Dashamirët e hendbollit me padurim e presin finalen e dytë të play-off-it të Kampionatit të Kosovës, mes Samadrexhës dhe Istogut.
Kampionja në fuqi Istogu është në epërsi me 1:0 në seri të fitoreve dhe nesër (20.00) udhëton për të vulosur titullin e pestë në histori të ekzistimit si klub.
Hendbollistja më e mirë shqiptare, Dijana Ujkiq, që luan në alon e majtë dhe është krrahu i djathtë i KHF Istogut, tha për gazetën kombëtare “Bota sot”, se ka qenë njës sezon me sfida, emocione dhe fitore.
“Ka qenë një sezon me sfida, emocione, fitore dhe mësime të vlefshme.
Skuadra jonë ka treguar karakter, përkushtim dhe një dëshirë të madhe për të ecur përpara, duke përfaqësuar me dinjitet ngjyrat e klubit në çdo ndeshje”, thotë Ujkiq.
Hendbollistja e vetme shqiptare që ka luajtur në nivelet më të larta, në Champions League, Kampionatin e Evropian e Botëror, tha se po përgatiten për finalen e dytë që luhet nesër.
“Po përgatitemi për ndeshjen e fundit të këtij sezoni – një përballje që pritet të jetë e vështirë dhe e luftuar deri në fund.
E dimë që nuk do të jetë e lehtë, por jemi të gatshëm të japim gjithçka në fushë për të mbyllur sezonin me dinjitet dhe krenari”, ka përfunduar Ujkiq, e cila në tre ndeshjet e play-off-it ka shënuar 15 gola apo mesatarja 5 gola për ndeshje.
Lista e shënuesve në ndeshjet e play-off-it
1. Suzana Ujkiq (Istogu) 30 gola
2. Alma Nivokazi (Shqiponja) 22
3. Amanda Toledo (Samadrexha) 21
4. Mirjeta Dinolli (Samadrexha) 19
5. Dijana Ujkiq (Istogu) 15
