F.B.
Arsenal dhe Manchester City do të mbyllin super derbin e xhiros së 8-të në Premier League.
Dy skuadrat ndajnë pozitat 2 dhe 3, pas fitores së djeshme të Tottenham të cilët morën vendin e parë në tabelë.
Man City vjen pas një disfate shokuese në xhiron e fundit të Premier League ndaj Wolves, pasi paraprakisht kishte bilanc 100% të fitoreve pas 6 ndeshjeve të para të sezonit.
Arsenal ndërkohë është një nga dy skuadrat, së bashku me Tottenham, që janë të pamposhtura në Premier League deri tani këtë sezon, me londinezët që kanë regjistruar 5 fitore dhe dy barazime.
Kjo ndeshje luhet sot me fillim në ora 17:30.