Zëvendëskryeministri dhe ministri i Punëve të Brendshme të Serbisë, Ivica Daçiq ka deklaruar për mediet serbe, se policia e ka vrarë personin që e ka vrarë një polic në afërsi të Lloznicës.
Ne webfaqen e Ministrisë se Punëve të Brendshme është njoftuar se policia ishte në kërkim të të dyshuarit për vrasjen e policit Faton Hajrizit.
“Pjesëtarët e policisë vranë në afërsi të Loznicës vrasësin e policit serb”, tha ministri Daçiq.
Me herët, Ministria e Punëve të Brendshme ka publikuar foton e Faton Hajrizit dhe u bëri thirrje qytetarëve që nëse e vërejnë personin në foton apo kanë informacion për lëvizjet e tij, të lajmërojnë menjëherë policinë.
Policia ka kontrolluar bregun e majtë dhe të djathtë të lumit Drina. Në kërkim ishin përfshirë helikopterë dhe dronë.
Të shtënat kanë ndodhur me 18 korrik pas mesnate kur policët gjatë një kontrolli rutinë kanë ndaluar një automjet. Në vend është gjetur një pasaportë e lëshuar nga autoritetet e Kosovës dhe një letërnjoftim gjerman në emër të Artan Hajrizi. Ky i fundit është vëllau i Faton Harizit, i arratisur nga burgu i Smerkoncisë dy javë më parë.
Qyteti i Lloznicës gjendet në Serbi në afërrsi të kufirit me Bonjën dhe Hercegovinën.
Mediet serbe kanë publikuar edhe pamjet e trupit të pajetë të personit të vrarë, që mendohet se është Faton Hajrizi, me një palë pantallona të zeza dhe një xhaketë me lara.