Albert Dabiqaj e ka bërë sot atë që e bëri Erling Haalandi mbrëmë në Ligën e Kampionëve me Manchester Cityn kundër Leipzigut.
Futbollisti i Gjilanit i realizoi pesë gola në fitoren ndaj Trepçës ’89 me rezultat 5:1, në ndeshjen e vlefshme për çerekfinalen e Kupës së Kosovës.
Mesfushori kualitativ ishte i pamëshirshëm për mitrovicasit duke e thyer rekordin e golave të shënuar brenda një loje në këtë garë.
ADVERTISEMENT
Nga katër gola në të kaluarën i kishin shënuar Genc Hamiti e Gzim Rusi.
Dabiqaj me këtë rast ia siguroi Gjilanit kualifikimin në gjysmëfinale të Kupës së Kosovës.
