Vlora Çitaku, nënkryetare e Partisë Demokratike të Kosovës, deklaroi se Qeveria Kurti, vetëm ditëve të fundit, ka shkaktuar tri skandale të të mëdha.
Në konferencë për medie, Çitaku deklaroi se Kurti si kryeministër, vazhdon ta mbrojë pa kusht ambasdorin e Kosovës në Kroaci, Martin Berishaj.
Ajo tha se gjithashtu se Kurti po e cënon përmendjen e UÇK-së kurse po i thur elozhe Oliver Ivanoviqit, ndërkohë që po dështon në diplomaci.
“Çka ka dhe çka s’ka ditëve të fundit dhe jo vetëm nga Qeveria Kurti?”, tha Çitaku në konferencën për media.
“Ka një Albin Kurt në opozitë, dhe një Albin Kurt tjetër në Qeveri”, theksoi ajo.
Nënkryetarja e PDK-së sërish bëri thirrje që ambasadori Berishaj të shkarkohet nga detyra dhe të hetohet afera e tij me mafian energjetike.
“Të dhënat e publikuara nga mediumet e ndryshme ndërkombëtare duhet të jenë alarm për institucionet e Republikës së Kosovës”, tha nënkryetarja e PDK-së.
“Si e ka marrë certifikatën e sigurisë nga AKI? A janë përdorur 1 milion e 470 mijë euro për të financuar fushatën e Lëvizjes Vetëvendosje dhe Listës Guxo”, tha Çitaku.
Sa i përket diplomacisë, Çitaku konsideron se Qeveria Kurti ka dështuar deri në atë masë sa shteti i Kosovës nuk po arrinë të mirëmbajë dhe kultivojë raportet as me vendet që e kanë njohur më parë.
Çitaku duke akuzuar kryeministrin Kurti për nënçmim të UÇK-së, duke shtuar se historia nuk mund të fshihet dhe sikur komunikatat e Lëvizjes Vetëvendosje e qëndrimet e Kurtit në Facebook.
