Prej vitit 1974 në botërorin e futbollit në Gjermani, deri te “Katar 2022” kam përcjellur me vëmendje dhe kënaqësi çdo botëror. Por, ky botëror i futbollit jo vetëm se është i veçantë për shumë arsye, por do të jetë edhe interesant, poashtu për shumë arsye. Shumë polemika se si iu besua organizimi Katarit, sa dhe qysh u ndërtuan ato stadiume, protestat e vazhdueshme të popullit etj. Pastaj, botërori në një termin të pazakontë: në nëntor- dhjetor (në dimër), kjo për herë të parë!! Çka mund të pritet dhe si do të rrjedhin gjërat në këtë botëror të futbollit “KATAR 2022”, mbetet të shihet. Nuk do t’i zbuloj kaq herët katër kombëtaret të cilat do të jenë në gjysmëfinale dhe ato që arrijnë në finalen e madhe, se do të befasoheni dhe hiç nuk do ta besoni. Do të jemi bashkë me ju gjatë një muaji, aq sa do të zgjasë botërori i futbollit
