F.B.
Sekretari amerikan i Shtetit Antony Blinken ka bërë të ditur se palestinezëve nuk duhet tu bëhet presion për t`u larguar nga Gaza dhe se të njëjtit duhet të lejohen të kthehen në shtëpitë e tyre sapo kushtet të jenë të favorshme.
Blinken dënoi deklaratat të cilat u bënë thirrje palestinezëve që të largohen nga Gaza dhe t’u hapin rrugën izraelitëve që mund të “lulëzojnë shkretëtirën” nga Ministri i Financave i ekstremit të djathtë Izraelit, Bezalel Smotrich dhe atij të Sigurisë Kombëtare Itamar Ben-Gvir i cili inkurajoi migrimin e banorëve të Gazës si një “zgjidhje për krizën.
Komentet e tij vijnë pas raportimeve se dhjetëra njerëz u vranë në kampin e refugjatëve Jabalia në Gazën veriore.
Kampi Jabalia është goditur disa herë që kur Izraeli filloi luftën e tij kundër Hamasit pas sulmit të paprecedentë nga grupi i Hamasit në Izrael më 7 tetor. Diplomati amerikan në Katar, zhvilloi turneun e tij të fundit në Lidjen e Mesme pas ndalesave në Jordani, Turqi dhe Greqi. Kjo vizitë vjen pas tensioneve në rritje dhe shqetësimeve se lufta në Gaza mund të përhapet. Vrasja e liderit të Hamasit ka ngjallur frikë në shkallë më të gjerë lufte
Ndërkohë, situata në Gaza vazhdon të përkeqësohet. Zyrtarët shëndetësorë thanë se edhe objektet mjekësore përfshirë spitalet tani janë të pasigurta.
Tri grupe ndërkombëtare të ndihmës mjekësore kanë njoftuar se po tërhiqen nga spitali al-AQSA në Gazën Qendrore pasi Izraeli lëshoi urdhra evakuimi. Kreu i Organizatës Botërore të Shëndetit, Tedros Adhanom Ghebreyesus, tha se më shumë se 600 pacientë dhe punonjës shëndetësorë u detyruan të largoheshin nga spitali, sipas drejtorit të tij.
