Shefi i Grupit Parlamentare të Aleancës për ardhmërinë e Kosovës, Besnik Tahiri ka qëndruar gjatë ditës në Asamblenë Parlamentare të Këshillit të Evropës.
Tahiri ka shkruar se shihet qartë që anëtarësimi i Kosovës në këtë organizatë është një ndër kryetemat.
“Sot, në Asamblenë Parlamentare të Këshillit të Evropës, në ditën e parë të sesionit të dimrit ishte një ditë dinamike. Shihet qartë që anëtarësimi i Kosovës në këtë organizatë është një ndër kryetemat. Te grupi politik i EPP-së e trajtova kërkesën dhe nevojën që Kosova të anëtarësohet sa më shpejtë, përderisa në këtë grup fola për tendencat e Serbisë për të tensionuar, jo vetëm Kosovën, por edhe Ballkanin Perëndimor si një agjendë ruse, e cila qëllim të vetëm ka destabilizimin e këtij rajoni.” – ka shkruar ai.
Tahiri ka falënderuar deputetin gjerman, i cili ka kërkuar nga deputetja e Norvegjisë që të shtrohet pyetja, që Tahiri të flas në emër të EPP-së rreth Kosovës.
“Dua të falënderoj deputetin gjerman, i cili kërkoi që të shtrohet pyetje nga deputetja e Norvegjisë, Ingjerd Schou, që do të flas në emër të EPP-së rreth Kosovës në sesionin plenar me ministren e Punëve të Jashtme të Gjermanisë rreth kërkesës së Kosovës për anëtarësim.” – ka shkruar ai.
